Böyük Britaniya Kralı III Çarlz tərəfindən təsdiqlənən bu mükafat ictimai həyata, təhsil sahəsinə, eləcə də Böyük Britaniya - Azərbaycan münasibətlərinin inkişafına göstərilən müstəsna xidmətlərin yüksək qiymətləndirilməsidir.

Nərgiz Hacıyevanın təhsil sahəsindəki uzunmüddətli və məqsədyönlü fəaliyyəti, iki ölkə arasında akademik və mədəni əlaqələrin möhkəmləndirilməsinə verdiyi töhfə, eləcə də gənclər üçün yaradılan geniş təhsil və mübadilə imkanları xüsusi əhəmiyyət daşıyır.

Bu mötəbər mükafat münasibətilə Xəzər Universiteti adından Nərgiz Hacıyevanı ürəkdən təbrik edir, ona gələcək fəaliyyətində yeni-yeni uğurlar arzulayırıq.