2026-cı il fevralın 9-da Xəzər Universitetinin Siyasi elmlər və fəlsəfə departamentinin müəllimi Dr. Vasif Hüseynovun "TRIPP və Cənubi Qafqazda Trans-Regional Enerji Dəhlizinin yüksəlişi" (“TRIPP and the Rise of a Trans-Regional Energy Corridor in the South Caucasus”) mövzusunda məqaləsi “The Saratoga Foundation”da, fevralın 11-də isə "Əliyev və Paşinyan Əbu-Dabidə birgə Sülh Mükafatı alıblar" (“Aliyev and Pashinyan Jointly Receive Peace Award in Abu Dhabi”) adlı yazısı “Jamestown Foundation's Eurasia Daily Monitor”da dərc edilmişdir. Bununla yanaşı, 2026-cı il fevralın 17-də Dr. Hüseynovun “ABŞ-ın vitse-prezidenti JD Vensin səfərindən sonra Cənubi Qafqaza yenidən baxılır” (“After the visit of US Vice President JD Vance, the South Caucasus is being rewired”) adlı məqaləsi “Commonspace.eu”da yayımlanmışdır.

Qeyd edək ki, “The Saratoga Foundation” qeyri-kommersiya təşkilatıdır və ABŞ siyasətçilərini Ukraynadakı müharibənin strateji əhəmiyyəti və Avrasiyanın Rusiya və Çin tərəfindən mənimsənilməsi üçün davam edən mübarizə haqqında maarifləndirmək məqsədi ilə yaradılmışdır.

“Eurasia Daily Monitor” (EDM) isə Vaşinqtonda yerləşən Jamestown Fondu'nun nəşridir. Jamestown'un qabaqcıl nəşri olan “Eurasia Daily Monitor” 3 may 2004-cü ildə təsis edilmişdir.

Öz növbəsində “Commonspace.eu” 1997-ci ilin iyulunda Londonda yaradılmış LINKS şəbəkəsinin bir hissəsi olan, Hollandiyanın Haaqa şəhərində qeydiyyatdan keçmiş LINKS Europe fonduna aiddir.

Keçid:

AIR Center - TRIPP and the Rise of a Trans-Regional Energy... | Facebook

Aliyev and Pashinyan Jointly Receive Peace Award in Abu Dhabi - Jamestown

Opinion: After the visit of US Vice President JD Vance, the South Caucasus is being rewired | commonspace.eu