Xəzər Universitetində 2026-cı il fevralın 4-də Qlobal İmmersiya Proqramı (GIP) çərçivəsində Qərbi london Universitetinin RAK (Birləşmiş Ərəb Əmirlikləri) kampusunu təmsil edən 37 tələbə və 4 müəllim heyətindən ibarət nümayəndə heyəti ilə görüş keçirilib.

Görüş zamanı Xəzər Universitetinin rektoru Dr. Raziyə İsayeva universitetin tarixi, akademik fəaliyyəti, beynəlxalq əlaqələri və təhsil strategiyası haqqında qonaqlara ətraflı məlumat verib. Sonra qonaqların sualları cavablandırılıb və fikir mübadiləsi aparılıb.

Səfərin əsas məqsədi menecment, biznes, kompüter elmləri, kiber təhlükəsizlik və süni intellekt ixtisasları üzrə təhsil alan tələbələrin akademik biliklərini beynəlxalq mühitdə zənginləşdirmək, mədəni mübadiləni təşviq etmək və qlobal təcrübə qazanmalarına imkan yaratmaq idi.

 Proqram çərçivəsində iştirakçılar universitetin müasir tədris və tədqiqat mühiti, laboratoriya və praktiki imkanları ilə yaxından tanış olublar.

Görüşün sonunda hədiyyələr təqdim olunub və xatirə şəkilləri çəkilib.