Heydər Əliyev adına Müasir Təhsil Kompleksinin bir qrup 9-12-ci sinif şagirdləri öz müəllmləri - Jalə İsmayılova, Javad Banaai, Nərgiz Xanəliyeva və Səbinə Məmmədovanın rəhbərliyi ilə 2026-cı il fevralın 4-də Xəzər Universitetinin Elektronika, Elektrik güc sistemləri və nanotexnologiya laboratoriyalarında olublar.

Fizika və elektronika departamentinin müdiri Fəridə Tatardar, assistentı İlahə Xanməmmədli, müəllimləri Nicat Hacıyev və Muhammed Əlizadə şagirdlərə laboratoriyaların fəaliyyəti,  aparılan elmi-tədqiqat işləri və müasir avadanlıqlar haqqında ətraflı məlumat veriblər. Şagirdlər, həmçinin, praktiki nümunələr üzərində aparılan təcrübələri izləyib, mühəndislik və texnologiya sahələrinə dair biliklərini artırıblar.

Bu cür maarifləndirici səfərlərin şagirdlərin elmə və mühəndislik ixtisaslarına marağının formalaşmasında mühüm rol oynadığı qeyd olunub.