Xəzər Universitetində uzun illər çalışmış  tarixçi alim, arxeoloq  Dos. Roza Arazovanın vəsiyyətinə uyğun olaraq, onun kitabxanasına məxsus 300-dən çox kitab 2026-cı il yanvarın 30-da Tarix və arxeologiya departamenti tərəfindən universitetin kitabxanasına təhvil verilmişdir.

Kitabxana - İnformasiya Mərkəzində keçirilən tədbirdə Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, universitetin İctimai əlaqələr və media üzrə direktoru Əlövsət Əmirbəyli, R.Arazovanın ailə üzvlərindən Samara Bayramova, Tarix və arxeologiya departamentinin müəllimləri Dr. Ülviyyə İbrahimova və Dr.Yaqub Məmmədov çıxış edərək, Roza Arazovanın elmə verdiyi töhfələrdən və pedaqoji fəaliyyətindən söz açdılar.

Anım xarakteri daşıyan tədbirdə Xəzər Universitetinin əməkdaşları və müəllim heyəti iştirak etmişdir.