2026-cı il yanvarın 16-da Xəzər Universiteti Psixologiya departamentinin əməkdaşı və Xəzər Psixoloji Xidmət Mərkəzinin psixoloqu Mirsadiq Muxtarov İctimai TV-nin efirində yayımlanan MAG (Müasir Azərbaycan Gənci) proqramında müsahibə vermişdir. Psixoloq müsahibəsində psixoloji travmalar mövzusunda danışmışdır.

O vurğulamışdır ki, travmadan sonra sağalma prosesində ailənin və cəmiyyətin dəstəyi xüsusi əhəmiyyət daşıyır. Psixoloq qeyd etmişdir ki, insan keçmişdə yaşadığı travmatik hadisələri dəyişə bilməsə də, onlara münasibətini və baxış bucağını dəyişərək psixoloji dayanıqlığını gücləndirə bilər.

Mirsadiq Muxtarov, həmçinin travmalarla mübarizədə anlayışlı sosial mühitin, qəbul edici münasibətin və psixoloji dəstəyin şəxsin yenidən funksional həyata qayıtmasında mühüm rol oynadığını xüsusi olaraq vurğulamışdır.