Humanitar, təhsil və sosial elmlər fakültəsinin Tarix müəllimliyi ixtisasının tələbələri Tarix və arxeologiya departamentinin müəllimi Kəmalə Mustafayevanın təşkilatçılığı ilə 2025-ci il dekabrın 23-də Nəriman Nərimanovun Xatirə Muzeyində əyani dərs keçiblər. Tarixin tədrisi metodikası kursunda Dərsdənkənar işlərin təşkili metodikası üzrə muzeylərin rolu və tarixin öyrənilməsində əyanilik məsələsi və onun muzey şəraitində praktik olaraq öyrənilməsi haqqında tələbələrə ətraflı məlumat verilib. Eyni zamanda, muzey bələdçiləri tərəfindən tələbələrə Nəriman Nərimanovun siyasi fəaliyyəti və Azərbaycan tarixində yeri və rolu haqqında əsas informasiyalar çatdırılıb.

Dərsdən sonra tələbələrə İstiqlal küçəsi boyu yerləşən Tarixi binalar - Keçmiş Bakı şəhər Duması, Hacı Zeynalabdin Tağıyevin Qızlar məktəbi, Müqəddəs Nina Qız Gimnaziyası və İsmailiyyə Sarayı kimi tarixi binalar haqqında geniş söhbət açılmış və tarixin tədrisində məktəbdənkənar faəliyyətin əhəmiyyətli tərəfləri barədə məlumat verilmişdir.