Xəzər Universitetinin Psixologiya departamentinin əməkdaşı, Xəzər Psixoloji Xidmət Mərkəzinin psixoloqu Mirsadiq Muxtarov 2025-ci il dekabrın 20-də psixiatr mütəxəssis Dr. Çağdaş Yokuşoğlu tərəfindən keçirilən “Ekzistensial terapiya” mövzusunda seminarda iştirak etmişdir.

Seminarda ekzistensial terapiya mövzusu ətrafında müzakirələr aparılmış, bu terapiya yanaşmasının nəzəri əsasları və psixoloji praktikada tətbiq imkanları izah edilmişdir. Ekzistensial terapiyanın insanın həyat məqsədi, seçim azadlığı və məsuliyyət hissi üzərində fokuslandığı, həmçinin pasientlərin daxili təcrübələrini anlamaqda praktik vasitə olaraq istifadə edildiyi qeyd olunmuşdur.

İştirakçılar mövzu ilə bağlı aktual yanaşmalar və peşəkar təcrübələr barədə biliklərini genişləndirmək imkanı əldə etmişlər.