Xəzər Universitetinin İngilis dili və ədəbiyyatı departamentinin dəvətli professoru Davud Kuhi`nin yeni kitabı işıq üzü görüb. Fars dilində qələmə alınmış “Dil fəlsəfəsində əsas mütəfəkkirlər” adlı əsər No-Avaran Aras nəşriyyatı tərəfindən nəşr edilib.

Kitabda dil fəlsəfəsi sahəsində aparıcı mütəfəkkirlərin ideyaları elmi və sistemli şəkildə təqdim olunur. Müəllif əsərdə müasir fəlsəfənin mühüm istiqamətlərindən biri olan dil fəlsəfəsinin əsas nəzəriyyələrini, anlayışlarını və mərkəzi mübahisələrini təhlil edərək, oxuculara bu sahə üzrə əhatəli bilik verməyi hədəfləyir.

Nəşr fəlsəfə, dilçilik və əlaqəli sahələr üzrə təhsil alan tələbələr, eləcə də tədqiqatçılar üçün nəzərdə tutulub. Kitab hazırda İranın aparıcı onlayn kitab satış platformalarından biri vasitəsilə oxuculara təqdim olunur və geniş oxucu auditoriyası üçün əlçatandır.