2025-ci il dekabrın 18-də Xəzər Universitetinin Astrofizika və Kosmologiya Tədqiqat Mərkəzinin üzvü, professor Muhammad Sharif “Some Cosmological Solutions in Curvature–Matter Coupled Gravity” mövzusunda məruzə ilə çıxış etmişdir. Tədbir zamanı tədqiqatçı Muhammad Sharif dəyişdirilmiş qravitasiya nəzəriyyəsi üsulundan istifadə edərək kosmoloji həllərin tapılmasına həsr olunmuş elmi işini təqdim edib. O, qravitasiya təsiri nəticəsində ayırma metodu vasitəsilə kainatın müxtəlif inkişaf mərhələlərini, nisbilik nəzəriyyəsinin sahə tənliklərini və  qravitasiya nəzəriyyəsinin minimal qravitasiya deformasiya yanaşması ilə tətbiqini izah edib. Bu yanaşma anizotrop kosmoloji modellərin həll olunmasına imkan verir.