Xəzər Universiteti Təbiət elmləri, sənət və texnologiya yüksək təhsil fakültəsinin və Təhsil departamentinin təşkilatçılığı ilə 2025-ci il dekabrın 15-də “İkinci dil (L2) yazı dərslərində tələbələrin esse işlərinə verilən yazılı formativ geribildirimin növləri” mövzusunda seminar keçirilmişdir.

Seminarda doktorant Yasəmən İbayeva mövzu üzrə çıxış etmişdir.

O, “2019–2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində Azərbaycan Respublikası Elm və Təhsil Nazirliyi və Xəzər Universiteti ilə üçtərəfli müqavilə əsasında İngiltərənin Bristol Universitetində “Təhsil” ixtisası üzrə doktorantura təhsili alır.