“Kredo” qəzetinin 10 dekabr 2025-ci il tarixli nömrəsində “Yesenin və İsaxanlı: “Serqey Yeseninə Azərbaycan şeir çələngi” adlı məqalə dərc olunub.. Məqalə Azərbaycanın görkəmli yeseninşünas alimi və Rusiyada da Serqey Yeseninin həyat və yaradıcılığını tədqiq edən çovsaylı təsisatlarda  və yeseninşünaslar arasında yaxşı tanınan və nüfuz sahibi olan, Beynəlxalq Yesenin mükafatlarına layiq görülmüş Xəzər Universitetinin prorektoru, filologiya elmləri doktoru İsaxan  İsaxanlının Xəzər Universitetinin Nəşriyyatında çapdan çıxmış “Азербайджанский поэтический венок Сергею Есенину” (“Serqey Yeseninə Azərbaycan şeir çələngi”) kitabı haqqındadır. Məqalənin müəllifi “Kredo” qəzetinin baş redaktoru, şair və yazıçı Əli Rza Xələflidir.

İsaxan İsaxanlıya məktub şəklində yazılmış məqalədə müəllif  “Азербайджанский поэтический венок Сергею Есенину” (“Serqey Yeseninə Azərbaycan şeir çələngi”) kitabını tərtibinə və ibarət olduğu bölmələrinə görə  Rusiyanın böyük şairi Yeseninin xatirəsinə indiyədək həsr  olunmuş bütün nəşrlərdən seçilən oriyinal bir nəşr kimi səciyyələndirir və bu xüsusda Azərbaycan Dövlət İnformasiya Agentliyi AZƏRTAC-ın məlumatına da isnad edir. Kitabın orijinallığına geniş ehtiva dairəsini misal göstərir: Azərbaycanda Yeseninə həsr olunmuş ilk şeirdən başlayaraq, Azərbaycan və rus dillərində yazılmış bütün şeirlər, o cümlədən, İsaxn İsaxanlının da şeirləri, əlavə olaraq iki rus şairinin də şeieləri yer almışdır. Əli Rza Xələfli ümumilikdə İsaxan İsaxanlının yeseninşünas yaradıcılığına da nəzər salır və bir neçə kitabdan ibarət bu tədqiqatı yüksək dəyərləndirir.

Qəzetdə məqaləyə əlavə kimi Rusiya yeseninşünaslarının kitab haqqında rəylərindən bir səhifə həcmində nümunələr də verilmişdir.

Qəzetin müvafiq səhifələri PDF formatında təqdim olunur.