Təbiət elmləri, sənət və texnologiya yüksək təhsil fakültəsi və Təhsil departamentinin təşkilatçılığı ilə 2025-ci il dekabrın 12-də Microsoft Teams platformasında “Təhsildə Süni İntellekt: vədələr, risklər və məsuliyyətli istifadəyə yol” (“AI in Education: Promises, Risks and the Path to the Responsible Use”) mövzusunda onlayn seminar keçirilmişdir.

Seminarda doktorant Ülkər İmanzadə çıxış etmişdir. O, “2025–2029-cu illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində Azərbaycan Respublikası Elm və Təhsil Nazirliyi və Xəzər Universiteti ilə üçtərəfli müqavilə əsasında İngiltərənin Glasgow Universitetində “Təhsildə Süni İntellekt” ixtisası üzrə doktorantura təhsili alır.