Xəzər Universitetinin Keyfiyyətin Təminatı Mərkəzi və Karyera və Məzunlar Mərkəzinin birgə təşkilatçılığı ilə 2025-ci il noyabrın 27-də Təhsil Tələbə Krediti Fondunun (TTKF) Universitetin 1-ci və 2-ci kurs tələbələri ilə görüşü keçirildi.

Tədbir zamanı TTKF-nun Təhsil müəssiələri ilə iş şöbəsinin aparıcı mütəxəsisi Kifayət Lələzadə Fondun əsas missiyası, fəaliyyət istiqamətləri və tələbələr üçün təqdim etdiyi imkanlar barədə, həmçinin fondun kredit və dəstək mexanizmləri, kreditlərin müraciət şərtləri, güzəşt müddətləri və tələbələr üçün təklif olunan dəstək zərfləri haqqında geniş məlumat verdi.

Görüş müddətində tələbələrin sualları cavablandırıldı və onlara kredit sistemindən necə səmərəli istifadə edə biləcəkləri izah olundu. Nümayəndələr tərəfindən həmçinin tələbələrin gələcək təhsil planlaması, sosial rifahı və maliyyə yükünün azaldılması istiqamətində fondun üzərinə düşən rolu vurğulandı.