Xəzər Universitetinin Siyasi elmlər və fəlsəfə departamentinin müəllimi Dr. Cihangir İşbilir`in "Popülizmle yönetmek, Popülizme karşı yönetmek: Fas ve Cezayir tecrübesi" (“Populizmlə idarəetmə, Populizmə qarşı idarəetmə: Mərakeş və Əlcəzair təcrübəsi”) mövzusunda yazısı İdeal Kültür Nəşriyyatının "Doğu ve Batı arasında ötekilik: Ortadoğuda populizm" (“Şərq və Qərb arasında ayrılıq: Yaxın Şərqdə populizm”) kitabında dərc edilmişdir. (Cild 1, № 52846, səh. 355-380, 2025).

Dr. İşbilir`in "Libyanın siyasal ve toplumsal yaşamında sivil toplum kuruluşlarının rolü" (“Liviyanın siyasi və sosial həyatında vətəndaş cəmiyyəti təşkilatlarının rolu”) yazısı isə Kadim Nəşriyyatın "Afrikada sivil toplum: imkan ve kısıtlılıklar" (“Afrikada vətəndaş cəmiyyəti: imkanlar və məhdudiyyətlər”) adlı kitabında nəşr edilmişdir. (Cild 1, № 17590, səh. 85-106, 2025).

İdeal Kültür Nəşriyyatı 2011-ci ildən etibarən beynəlxalq statusda fəaliyyət göstərən, Web of Science BKCI-də indeksləşdirilmiş yazıları olan bir nəşriyyat qrupudur. Müxtəlif dillərdə nəşr etdiyi kitablar, altı alt brendi və kitabxana xidmətləri ilə həm Türkiyədə, həm də beynəlxalq aləmdə tanınmış bir nəşriyyat kimi fəaliyyət göstərir. 2004-cü ildən fəaliyyət göstərən Kadim Nəşriyyatı isə mədəni irsin qorunması və intellektual mühitin inkişafını hədəfləyərək, həm kitab nəşri, həm də təşkil etdiyi elmi-mədəni tədbirlərlə ölkənin fikir həyatında mühüm rol oynayır.