2025-ci il noyabrın 19-da Gəncliyə Yardım Fondunda “Elm və İrfan Məclisi”nin növbəti görüşü keçirilib. “Türk Təşkilatları Birliyinin Dünyadakı Yeri” adlı görüşün eksperti qismində Xəzər Universiteti Tarix və arxeologiya departamentinin müdiri Dos. Telman Nüsrətoğlu çıxış etmişdir.

Dos. Telman Nüsrətoğlu Türk dövlətlərinin siyasi, iqtisadi və mədəni rolunun yüksəldiyini,  bunun ölkələr arasında birlik və həmrəyliyin möhkəmlənməsinə xidmət etdiyini bildirib. Prezident İlham Əliyevin “Bizim başqa ailəmiz yoxdur. Bizim ailəmiz Türk dünyasıdır” ifadəsinin Türk Dövlətləri Təşkilatına, ümumilikdə türk dövlətlərinin birliyinə göstərilən diqqətin meyarı olduğunu vurğulayan ekspert təşkilatın gələcək perspektivindən bəhs edib.

Sonda Gəncliyə Yardım Fondunun prezidenti Ahmet Tecim tərəfindən Dos. Telman Nüsrətoğluna xatirə hədiyyəsi təqdim edilib.