Xəzər Universitetinin Humanitar, təhsil və sosial elmlər fakültəsinin III kurs Tərcümə ixtisasının tələbəsi Emil Qurbanbəyov 2025-ci il 31 oktyabr - 4 noyabr tarixlərində Antalyada (Türkiyə) keçirilən “Weecomi Beynəlxalq Şəxsi İnkişaf və Kripto Sammiti” (“Weecomi International Personal Development & Crypto Summit”) adlı beynəlxalq tədbirdə iştirak edib.

Emil Qurbanbəyov tədbirdə həm iştirakçı, həm də komanda lideri kimi çıxış edərək, müxtəlif ölkələrdən olan şirkət nümayəndələri və komanda rəhbərləri ilə əlaqələr qurmaq imkanı əldə edib. O, şəxsi inkişaf, motivasiya, liderlik və kriptovalyuta mövzuları üzrə keçirilən panel və təqdimatlarda fəal iştirak edib.

Tədbir müddətində Emil yeni praktiki biliklər əldə edib, beynəlxalq əlaqələrini genişləndirib və liderlik bacarıqlarını daha da inkişaf etdirmək imkanı qazanıb.

Xəzər Universiteti tələbələrinin bu kimi beynəlxalq tədbirlərdə fəal iştirakı onların həm akademik, həm də şəxsi inkişafına mühüm töhfə verir. Emil Qurbanbəyovun bu qlobal tədbirdə Xəzər Universitetini uğurla təmsil etməsi fakültə üçün qürurvericidir.