2025-ci il oktyabrın 27-də Xəzər Universiteti Psixologiya departamentinin əməkdaşı və Xəzər Psixoloji Xidmət Mərkəzinin psixoloqu Mirsadiq Muxtarov Xəzər TV-nin “Xəzər Xəbər” buraxılışında çıxış etmişdir. Buraxılışda “Alimentin minimum məbləğinin artırılmasının boşanmalara təsiri” mövzusu müzakirə olunmuşdur.

Çıxış zamanı Mirsadiq Muxtarov aliment məbləğində artımın təkbaşına boşanmalara təsir edən əsas faktor olmadığını vurğulamışdır.  Bildirmişdir ki, maliyyə öhdəliklərindəki dəyişikliklər müəyyən narahatlıq yarada bilsə də, bu vəziyyətlərdə əsas həll yolu tərəflər arasında sağlam dialoqun təmin olunması və psixoloji dəstəyin gücləndirilməsidir. Çıxışda əlavə olaraq aliment mexanizmlərinin yalnız hüquqi proses deyil, həm də psixoloji aspektlər daşıdığı vurğulanmışdır.