2025-ci il noyabrın 1-3-də “YAŞAT” Fondunun təşkilatçılığı ilə Quba Palace Hotel-də şəhid övladları üçün 2-ci intellektual marafon keçirilib. Üç gün davam edən tədbir çərçivəsində iştirakçılar müxtəlif intellektual oyunlarda, bilik yarışmalarında öz bacarıqlarını sınayıblar.

Marafonun sonunda qaliblər və bütün iştirakçılar Fond tərəfindən müxtəlif qiymətli hədiyyə və mükafatlarla təltif olunublar.

Tədbirdə Xəzər Universitetinin Humanitar, təhsil və sosial elmlər fakültəsinin IV kurs tələbəsi Abbas İsgəndərli də (Tərcümə ixtisası) iştirak edib. O, “Kəlbəcər” komandasına liderlik edərək, komandanın 1-ci yerə layiq görülməsində xüsusi rol oynayıb.