2025-ci il oktyabrın 31-də AzEdu.az Təhsil Portalı və Xəzər Universitetinin birgə təşkilatçılığı ilə “Brend tələbə” layihəsi çərçivəsində xüsusi meyarlara əsasən seçilən tələbələrin mükafatlandırma mərasimi keçirilib.

Tədbirdə AzEdu.az Təhsil Portalının təsisçisi və Parlament Jurnalistlər Birliyinin sədri Elşad Eyvazlı, portalın direktoru Ləman Novruzova, müxbir Esmira Əliyeva, Humanitar, təhsil və sosial elmlər fakültəsinin dekanı Dr. Milana Abbasova, Təbiət elmləri və mühəndislik fakültəsinin dekan müavini Vəfa Aslanova və “Brend tələbə” adına layiq görülmüş tələbələr iştirak edib.

Elşad Eyvazlı çıxışında universitet rəhbərliyinə və kollektivinə göstərdikləri dəstəyə görə təşəkkür edib. Ləman Novruzova layihə qaliblərini təbrik edib və onların uğurlarını yüksək qiymətləndirib.

Milana Abbasova isə Xəzər Universitetinin tələbələrinin nailiyyətlərinin ictimaiyyətə çatdırılmasında AzEdu.az komandasına minnətdarlığını bildirib.

Sonda “Brend tələbə”lərə təltifnamələr təqdim olunub və xatirə şəkilləri çəkilib.

2024–2025-ci tədris ili üzrə Xəzər Universitetinin “Brend tələbə” statusuna layiq görülənlər:

Nəsibə Babayeva, Kərim Nəcəfli, Lalə İmanzadə, Hüseyn Musayev – Təbiət elmləri və mühəndislik fakültəsi; Qəmər Nəsirova, Qənirə Ramizzadə, Günəş Tarverdiyeva, Zöhrə Məmmədova, Səriyyə Allazova, Fidan Qarayeva – Humanitar, təhsil və sosial elmlər fakültəsi

Layihə barədə ətraflı məlumat AzEdu.az Təhsil Portalında dərc olunub: Xəzər Universitetinin"Brend tələbə"ləri mükafatlandırılıb - FOTOLAR | AzEdu.az