Xəzər Universitetinin təsisçisi, Direktorlar və QəyyumlarŞurasının sədri

Prof.Akad, Hamlet İsaxanlıya

Cox hormətli Hamlet muəllim !

 Bakıda mənə göstərdiyiniz diqqətə görə Sizə öz təşəkkürümü lazımınca bildirmək üçün bir imkan tapmadım. Universitetin gözəl Mərmər zalında   mənim yaradıcılığıma həsr olunmuş tədbirə görə  Sizə ürəkdən minnətdaram. Göstərdiyiniz diqqət, hörmət və səmimi münasibət məni çox təsirləndirdi. Bu tədbirdən sonra təşkil olunan ziyafət də çox yüksək səviyyədə idi və mənə unudulmaz anlar bəxş etdi.

 Bir də söyləmək istərdim ki, qurduğunuz möhtəşəm universitet binasından başlayaraq içərisinədək məni heyran etdi. Kamera orkestriniz, gənclərə verdiyiniz bu imkanlar və onların mükəmməl ifaları valehedici idi. Burda mənim tələbəm, universitetin İncəsənət və musiqi departamentinin müdiri, Kamera orkestrinin bədii rəhbəri, əməkdar müəllim Zülfiyyə Sadıqovanın da əməyi görünür. Onun istedadlı musiqiçi, pianoçu olduğunu, çox vəfalı, düzgün insan olduğunu bilrdim. Amma təşkilatçı bacarığından heç xəbərim yox idi. Nə gözəl ki, yanınızda bu keyfiyyətlərə malik olan bir insan çalışır.

Sizin qayğınız və səmimiyyətiniz mənim üçün  cox böyük dəyər daşıyır.  Sizə bir daha   təşəkkür edir və Sizə sağlamlıq, uğurlar və yeni nailiyyətlər  arzulayıram.

Hörmətlə,                                                                                                               

Namik Sultanov,

ABŞ, Kaliforniya ştatı, San - Xose Universitetinin professoru

4 noyabr 2025-ci il