Xəzər Universitetinin Siyasi elmlər və fəlsəfə departamentinin müdiri Dos. Orxan Vəliyevin həmmüəllifi olduğu "Post-Conflict Transformation In Azerbaijan: Rethinking The Politics of Nationalism and Rewriting History" (“Azərbaycanda münaqişədən sonrakı transformasiya: millətçilik siyasətinin yenidən düşünülməsi və tarixi yenidən yazmaq”) adlı məqalə “Eurasian Research Journal”-da (30 Oktyabr, 2025-ci il, Vol. 7, No 4) dərc edilmişdir. “Eurasian Research Journal” EBSCO elmi məlumat bazasında indekslənən, Khoja Akhmet Yassawi Beynəlxalq Qazax–Türk Universiteti tərəfindən 2019-cu ildən nəşr edilən beynəlxalq jurnaldır.

Dos. Orxan Vəliyev və Elçin Hüseynov məqalədə İkinci Qarabağ müharibəsindən sonra Azərbaycan millətçiliyi və tarixşünaslığının yenidən formalaşması prosesini təhlil edirlər. Müəlliflər Rus imperiyası və Sovet dövrünün milli kimlik üzərindəki təsirlərini araşdıraraq, postmüharibə dövründə tarixşünaslığın dekolonizasiya olunmasının vacibliyini vurğulayırlar.

Məqaləyə keçid: Eurasian Research Journal » Submission » POST-CONFLICT TRANSFORMATION IN AZERBAIJAN: RETHINKING THE POLITICS OF NATIONALISM AND REWRITING HISTORY