2025-ci il oktyabrın 29-da ADPU Quba filialında Xəzər Universiteti Dillər və ədəbiyyatlar departamentinin təçkilatçılığı ilə universitetin təsisçisi, Direktorlar və Qəyyumlar Şurasının sədri ProfAkad. Hamlet İsaxanlının “Mənim Qarabağım və ya Qarabağ düyünü” adlı kitabının təqdimatı keçirilib. Tədbirdə Xəzər Universitetinin və ADPU Quba filialının rəhbərliyi, professor-müəllim heyəti, tələbələr, qonaqlar iştirak ediblər.

 Təqdimat mərasiminin moderatoru ADPU Quba filalının Ədəbiyyat və dillər kafedrasının müdiri Dos. Gülşən Ağabəyin giriş sözündən sonra ADPU Quba filialının direktoru Dos. Yusif Alıyev çıxış edərək qonaqları salamladı və Hamlet İsaxanlının Azərbaycan elminə və ədəbiyyatına verdiyi mühüm töhfələrdən bəhs etdi.

Xəzər Universitetinin rektoru Dr. Raziyə İsaeva universitetin keçdiyi yol, qazandığı uğurlar, gələcək perspektivlər haqqında geniş məlumat verdi. AMEA Folklor İnstitutunun direktoru, Xəzər Universitetinin müəllimi Dos. Hikmət Quliyev  çıxışında əsərin elmi, ədəbi və ictimai əhəmiyyətindən söz açdı. Dillər və ədəbiyyatlar departamentinin müdiri Dilbər Zeynalova H.İsaxanlının “Dalğlarla yan-yana” şeirini səsləndirdi.

 Hamlet İsaxanlı çıxışında kitabın yazılma məqsədindən, Qarabağ mövzusuna fərqli baxış bucağından yanaşmanın vacibliyindən, əsərdə öz əksinin tapan tarixi hadisələrin mahiyyətindən danışdı və çoxsaylı sualları cavablandırdı, kitab haqqında səslənən rəylərə münasibət bildirdi.

Tədbir bədii hissə ilə müşayət olundu. Xəzər Universitetinin Musiqi və incəsənət departamentinin müəllimi Aşıq Ramin Qarayev Hamlet İsaxanlının şeirlərinə bəstələdiyi mahnıları sazla ifa etdi.  Filialın tələbələri şairin şeirlərini səsləndirdilər, mahnı və rəqslərlə çıxış etdilər.

Tədbir çərçivəsində professor Hamlet İsaxanlının müxtəlif illərdə nəşr olunmuş kitablarından ibarət sərgi də nümayiş etdirildi.

Sonda Xəzər Universitetinin rektoru Dr. Raziə İsaeva ADPU Quba filialının direktoru dos. Yusif Alıyevə, Dillər və ədəbiyyatlar departamentinin müdiri dos. Dilbər Zeynalova ADPU Quba filalının Ədəbiyyat və dillər kafedrasının müdiri Dos. Gülşən Ağabəyə  xatirə hədiyyələri təqdim etdilər.

Təqdimat  mərasimi qarşılıqlı fikir mübadiləsi ilə yekunlaşdı, iki universitet arasında gələcək əməkdaşlıq imkanları geniş müzakirə olundu.

Tədbir iştirakçılarla  birlikdə xatirə şəkli çəkilməsi ilə yekunlaşdı.