2025-ci il oktyabrın 16-da Xəzər Universiteti Psixologiya departamentinin əməkdaşı və Xəzər Psixoloji Xidmət Mərkəzinin psixoloqu Mirsadiq Muxtarov “Tehsil365” xəbər saytına müsahibə vermişdir. Psixoloq təhsildə uğurun yalnız yüksək qiymətlərdən ibarət olmadığını, eyni zamanda özünü kəşf etmək, motivasiyanı saxlamaq və psixoloji sağlamlığın qorunmasının vacib olduğunu bildirib.

O vurğulayıb ki, gənclər öz güclü tərəflərini və maraqlarını müəyyən etməli, daxili motivasiyaya əsaslanaraq öyrənməlidirlər. Xarici motivasiya, yəni qiymət və valideyn gözləntiləri uzunmüddətli deyil və motivasiyanın azalmasına səbəb ola bilər. Mirsadiq Muxtarov həmçinin zamanın düzgün idarə olunması, perfeksionizmdən uzaq durmaq və səhvlərdən dərs almağın önəmini qeyd edib. Psixoloji sağlamlığın təhsildə uğurun əsas şərti olduğunu, stress və narahatlığın isə öyrənməyə mənfi təsir göstərdiyini bildirib. O, gənclərə psixoloji dəstək almağı və duyğularını etibarlı insanlarla paylaşmağı tövsiyə edib.

Müsahibənin davamında, sosial dəstəyin və texnologiyadan kontrollu istifadə etməyin vacib olduğunu qeyd edən psixoloq, gənclərə təhsili davamlı və maraqlı proses kimi qəbul etməyi arzulayıb.

Müsahibənin tamamı aşağıdakı linkdə:

https://tehsil365.news/az/news/42953/