Türkiyənin Bartın Universitetinin müəllimləri - Doç. Dr. İsmail Eyüpoğlu və Dr. Sevan Deniz 2025-ci il oktyabrın 6-11-də Xəzər Universitetində oldular.

Səfərin ilk günü Bartın Universitetinin müəllimləri və Xəzər Universitetinin əməkdaşları arasında görüş keçirildi. Xəzər Universiteti tərəfindən görüşdə Beynəlxalq əlaqələr şöbəsinin müdiri Firuz Süleymanov, Beynəlxalq əlaqələr şöbəsinin koordinatoru İlqarə Abdullayeva, Humanitar, təhsil və sosial elmlər fakültəsinin koordinatoru Sayad Əliyeva, Memarlıq və dizayn departementinin müəllimləri Günay Məmmədova və Mehdi Samadi iştirak etdilər.

Görüş zamanı hər iki tərəfin universitetlər haqqında təqdimatından sonra qarşılıqlı tələbə və işçi heyəti mübadiləsi məsələləri və müştərək tədqiqatlar mövzusunda müzakirələr aparıldı və razılıq əldə olundu.

Görüşün sonunda Bartın Universitenin nümayəndə heyətinə hədiyyələr təqdim edildi.

Proqrama uyğun olaraq, ESN Xəzərin müşayiəti ilə qonaqlar Atəşgah məbədinə səfər etdilər. Növbəti günlər isə Doç. Dr. İsmail Eyüpoğlu və Dr. Sevan Deniz Xəzər Universitetinin tələbələrinə memarlıq və musiqi ilə bağlı dərs keçdilər.