2025-ci il oktyabrın 14-də Xəzər Universitetinin Psixologiya departamenti və Psixologiya Klubunun birgə təşkilatçılığı ilə seminar keçirildi. Seminar Psixologiya departamentinin əməkdaşı və Xəzər Psixoloji Xidmət Mərkəzinin psixoloqu Mirsadiq Muxtarov tərəfindən təqdim olundu. Tədbir psixologiya ixtisası üzrə təhsil alan tələbələrə gələcək karyera imkanlarını və bu sahədə uğur qazanmağın əsas istiqamətlərini əhatə edirdi.

Seminarda Mirsadiq Muxtarov psixologiya sahəsində təhsil alan tələbələrin və fəaliyyət göstərən mütəxəssislərin professional inkişaf yollarını, klinik, pedaqoji, təşkilati və digər ixtisaslaşma sahələrini geniş izah etdi. Karyera inkişafında praktik bacarıqların əldə edilməsinin vacibliyini vurğulayan Mirsadiq Muxtarov düzgün və faydalı təcrübələrin qazanılmasının və professional mentor dəstəyinin rolunu xüsusi vurğuladı. Bundan əlavə, psixologiya sahəsində gələcək inkişaf imkanları və gənc mütəxəssislər üçün mövcud olan yeni istiqamətlər barədə geniş məlumat verdi.

Seminar interaktiv formatda təşkil olundu, iştirakçılar suallar verib mövzunu ətraflı müzakirə etdilər.