2025-ci il sentyabrın 16-da Xəzər Universitetinin İngilis dili və ədəbiyyatı departamentinin müəllimi Gülnarə Məmmədova inklüziv təhsil sahəsinə aid tədqiqatlarına görə British Council-ın Azərbaycan nümayəndəliyi tərəfindən nüfuzlu "Researcher Connect" sertifikatına layiq görülüb.

Mükafat Böyük Britaniyanın Azərbaycandakı səfirliyində səfir  Fergus Auld`in və British Council-ın Azərbaycan üzrə direktoru Nərgiz Hacıyevanın iştirakı ilə təqdim olunub.

"Researcher Connect" sertifikatı qlobal akademik əməkdaşlıqda mükəmməlliyin göstəricisidir və təkcə ayrı-ayrı tədqiqatçıların nailiyyətlərini deyil, həmçinin biliklərin inkişafında və innovasiyaların təşviqində beynəlxalq tərəfdaşlıqların əhəmiyyətini vurğulayır.

Gülnarə Məmmədovanın bu nailiyyəti  şəxsi uğuru olmaqla yanaşı, həm də universitetin qlobal akademik tədqiqatlarda iştirakını nümayiş etdirir.