Xəzər Universitetinin Dillər və ədəbiyyatlar departamentinin müəllimi, Dr. Yeqzar Cəfərli

Azərbaycan Respublikasının Gənclər Təşkilatları Milli Şurasının (NAYORA) rəhbərliyi ilə 2025-ci il oktyabrın 4-də “Globus center”də keçirilən görüşdə iştirak edib. Görüşdə Yeqzar Cəfərlinin də İdarə Heyətində təmsil olunduğu Dünya Gənc Türk Yazarlar Birliyi (DGTYB) ilə Gənclər Təşkilatları Milli Şurası (NAYORA) arasında əlaqələrin genişləndirilməsi, eləcə də gənclərin mədəniyyətə, ədəbiyyata, incəsənətə diqqətinin artırılması yönündə fikir mübadiləsi aparılıb.

Bütün təkliflər geniş şəkildə müzakirə olunub və bu cür görüşlərin davamlı keçirilməsi qərarlaşdırılıb.

Görüşün sonunda DGTYB-yə qəbul olunmuş yeni üzvlərə və idarə heyəti üzvlərinə vəsiqələr təqdim olunub, xatirə fotosu çəkilib.