2025-ci il  oktyabrın 3-də Kırıkkale Universiteti ilə Xəzər Universiteti  arasında əməkdaşlıq protokolu imzalanmışdır. Kırıkkale Universitetinin rektoru Prof. Dr. Ersan Aslan və Xəzər Universitetinin qurucusu, Direktorlar və Qəyyumlar Şurasının sədri Prof. Akad. Hamlet İsaxanlı  tərəfindən imzalanmış protokolda əməkdaşlığın bütün əsas sahələrdə gücləndirilməsi nəzərdə tutulur.

İmzalanma mərasimində Xəzər Universitetinin Türkiyədə işgüzar səfərdə olan nümayəndə heyəti ilə yanaşı Hasvet Medikal İdarə Heyətinin üzvü Yunus Emre Böyükballı, Hasvet Cərrahi Avadanlıqları üzrə məsul meneceri professor Dr. Barış Kürüm, Kırıkkale Universiteti Baytarlıq Fakültəsinin dekanı professor Dr. Serkan Erat iştirak etmişlər.

Əməkdaşlıq baytarlıq təbabəti və digər  elm  sahələrində bilik və təcrübə mübadiləsinin təşviqinə yönəldilmişdir və hər iki ali təhsil müəssisəsi üçün elmi-tədqiqat, innovasiya və tədris sahəsində yeni imkanlar yaradacaqdır.