2025-ci il oktyabrın 3-də Xəzər Universitetinin Humanitar, təhsil və sosial elmlər fakültəsinin Tarix müəllimliyi və Tarix-coğrafiya müəllimliyi ixtisasında təhsil alan tələbələri “Dövlət Bayrağı Muzeyi”ndə ekskursiyada olublar.  Səfər Tarix və arxeologiya departamentinin müəllimi Orxan Zamanovun rəhbərliyi ilə təşkil edilib.

Ekskursiya zamanı muzeyin direktoru Könül İmamverdiyeva, Ekspozisiya və elmi tədqiqatlar şöbəsinin müdiri Aynur Tağızadə tələbələrə muzeyin fəaliyyəti, sərgilənən eksponatlar, dövlət rəmzləri və Azərbaycan bayrağının tarixi haqqında ətraflı məlumat veriblər.

Tələbələr muzeyin müxtəlif bölmələrində milli tariximiz və dövlətçilik ənənələrimizlə bağlı maraqlı faktlarla tanış olublar. Sərgilənən bayraqlar və dövlət atributları Azərbaycan xalqının müstəqillik uğrunda mübarizəsini əks etdirərək, gənclərdə vətənpərvərlik duyğularının daha da güclənməsinə səbəb olub.

Ekskursiya tələbələr üçün həm maarifləndirici, həm də unudulmaz təcrübə kimi yadda qalıb.