Xəzər Universiteti Tarix və arxeologiya departamentinin müəllimi Dr. Nurlan Nəsirovun “Some Notes on the Golden Horde – Shirvanshahs Relations during the Decline of Ilkhanate and Timurid Rule in Azerbaijan” (“İlxanlılar dövlətinin tənəzzülü və Teymurlu hakimiyyəti dövründə Azərbaycanda Qızıl Orda - Şirvanşahlar münasibətləri haqqında bəzi qeydlər”) adlı məqaləsi beynəlxalq elmi jurnalda – “Golden Horde Review”- da dərc edilmişdir (cild 13, sayı 3, oktyabr 2025, s 322-338). Qeyd edək ki, "Golden Horde Review" jurnalı Scopus və Web of Science verilənlər bazalarında indekslənmiş və Q1 kateqoriyalı nəşrdir.

Məqalədə dövrün ilkin qaynaqları (əsasən fars və ərəbdilli), eləcə də Qərb, Sovet, Azərbaycan tarixşünaslığı əsasında İlxanilərin sülaləsinin zəifləməsi (Çobani ağalığı zamanı) və Teymurluların Azərbaycanda hakimiyyəti zamanında Şirvanşah hökmdarlarının siyasi proseslərdə iştirakı və oynadıqları mühüm rol diqqət mərkəzinə gətirilmişdir. Bununla yanaşı, qeyd olunan dövrdə Qızıl Orda xanlığı ilə Çobanilər və Teymurlular arasında olan münasibətlərdə Azərbaycanda yaşamış din xadimlərinin, sufi şeyxlərin fəaliyyətləri, həmçinin onların siyasi proseslərə təsirləri təhlil olunmuşdur.

https://goldhorde.ru/en/2025-t13-n3/