2025-ci il sentyabrın 25-26-da ADA Universitetində Ali Təhsildə Keyfiyyət Təminatı üzrə II Simpozium keçirilmişdir. Tədbirdə Xəzər Universitetinin İqtisadiyyat və menecment fakültəsinin dekan müavini Dr. Məhəmməd Çərkəsov, İnkişaf Mərkəzinin layihə meneceri Səbinə Quluyeva və Keyfiyyət Təminatı Mərkəzinin koordinatoru Almaz Zeynallı iştirak etmişlər.

Tədbir zamanı daxili və xarici keyfiyyət təminatı üzrə yerli və beynəlxalq ekspertlərin iştirakı ilə institusional akkreditasiya, daxili keyfiyyət təminatı, təhsil proqramları, tədris və öyrənmə, insan resurslarının inkişafı, davamlılıq və layihələrin idarə edilməsi kimi keyfiyyət təminatının əsas sahələri üzrə panel müzakirələri və müxtəlif sessiyalar təşkil olunmuşdur.

Keyfiyyət Təminatı Mərkəzinin koordinatoru Almaz Zeynallı “Tələbələrin aktiv şəkildə sorğulara cəlb edilməsi” mövzusunda təqdimatla çıxış etmişdir.

Tədbir bağlanış nitqi və iştirakçılara sertifikatların təqdim edilməsi ilə sona çatıb.