Xəzər Universiteti Mədəniyyət Nazirliyinin təşkilatçılığı ilə 2025-ci il oktyabrın 1-də Bakı Ekspo Mərkəzində işə başlayan XI Bakı Beynəlxalq Kitab Sərgisində iştirak edir.

Xəzər Universitetinin stendində universitetin nəşri olan dərslik və dərs vəsaitləri, elmi jurnallar, konfrans materialları, universitetin elmi və tədris nailiyyətləri, kitabxana xidmətləri, həmçinin elektron və rəqəmsal resurslara çıxış imkanları haqqında məlumatlar iştirakçılara təqdim olunur.

Müasir dünyanın aktual çağırışlarına uyğun olaraq builki sərgi “Texno-insan: dünənin əfsanəsi, bu günün hadisəsi” mövzusuna həsr edilib və mövzu çərçivəsində nəzəri və tətbiqi müzakirələr, müxtəlif təqdimatlar, ümumilikdə 250-dən çox tədbirin təşkili nəzərdə tutulub.

Sərgidə 23 ölkədən 68 xarici təşkilat (Türkiyə, İtaliya, ABŞ, Argentina, İngiltərə, Litva, Qətər, İndoneziya, İspaniya, Çin, Cənubi Koreya və s.) və 123 yerli nəşriyyat, poliqrafiya və kitab sənəti ilə məşğul olan müəssisə, ali təhsil müəssisələri  iştirak edir.

XI Bakı Beynəlxalq Kitab Sərgisi oktyabrın 8-ə qədər davam edəcək.