2025-ci il sentyabrın 25-də Xəzər Universitetində Türkiyənin Pamukkale Universitetinin  nümayəndə heyəti ilə görüş keçirilib. Görüşdə Pamukkale Universitetinin rektoru Prof. Dr. Mahmud Güngör, Rektor  müavini Prof. Dr. Ersan Öz, Rektorun müşaviri Dos. Dr. Onur Kulaç, Xəzər Universitetinin təsisçisi, Direktorlar və Qəyyumlar Şurasının sədri Prof. Akad. Hamlet İsaxanlı, Rektor Dr. Raziyə İsayeva, prorektorlar, fakültə dekanları və Beynəlxalq əlaqələr şöbəsinin əməkdaşları iştirak ediblər.

Görüş zamanı Beynəlxalq əlaqələr şöbəsinin müdiri Dr. Firuz Süleymanov tərəfindən Xəzər Universiteti barədə təqdimat nümayiş etdirilib. Görüşdə hər iki universitet arasında akademik əməkdaşlıq və əlaqələrin inkişafı müzakirə olunmuşdur.

Görüş çərçivəsində qarşılıqlı anlaşma memorandumu (MoU) imzalanıb. Sonda hədiyyələr təqdim olunub və xatirə şəkilləri çəkilib.