2025-ci il sentyabrın 22-də Xəzər Universiteti və “AIESEC Azərbaycan” təşkilatı arasında əməkdaşlıq memorandumu imzalanıb. Tərəflər arasında imzalanan bu sənədin əsas məqsədi birgə maraqların qorunması, qarşılıqlı dəstək və gənclərin inkişafına yönəlmiş layihələrin həyata keçirilməsidir.

Qeyd edək ki, Xəzər Universitetində artıq bir müddətdir fəaliyyət göstərən AIESEC Xəzər Klubu bu memorandum çərçivəsində universitet daxilindəki fəaliyyətlərini daha da genişləndirəcək. Tərəfdaşlıq çərçivəsində klubun təşəbbüslərinə dəstək göstərilməsi və tələbələrin beynəlxalq layihələrdə iştirak imkanlarının artırılması nəzərdə tutulur.

Bu əməkdaşlıq tələbələrin liderlik bacarıqlarının inkişafı, beynəlxalq mübadilə proqramlarına cəlb olunması və qlobal şəbəkəyə inteqrasiya baxımından mühüm əhəmiyyət daşıyır.

Hər iki tərəf memorandumu gənclərin gələcəyinə sərmayə kimi dəyərləndirir və bu istiqamətdə daha geniş miqyaslı layihələrin həyata keçirilməsini planlaşdırır.