2025-ci il sentyabrın 27-də Xəzər Universitetinin İnşaat mühəndisliyi departamentinin təşkilatçılığı ilə universitetin Bakıxanov filialında Topoqraf.AZ MMC  tərəfindən “Geodeziya və topoqrafiya əsasları” mövzusunda seminar keçirilmişdir. Tədbirdə inşaat mühəndisləri, müəllim-işçi heyəti və tələbələr iştirak etmişdir.

Seminarda Topoqraf.AZ MMC-nin təsisçiləri Sərvət Sadırov və Elnur Hənəfiyev çıxış edərək, praktik bacarıqların əldə edilməsinin önəmli olduğunu vurğulamış, xüsusilə tələbələrin karyera yolunda düzgün və faydalı təcrübələrin nə dərəcədə mühüm olduğunu söyləmişlər. Bununla yanaşı, tələbələrə gənc mütəxəssislər üçün açıq olan yeni istiqamətlər barədə ətraflı məlumat vermişlər.

Seminar interaktiv şəkildə təşkil olunmuş, iştirakçılar öz suallarını ünvanlayaraq, mövzunun geniş müzakirəsi və praktik təcrübə qazanmaq imkanı əldə etmişlər.