22-23 sentyabr tarixində, Tarix və arxeologiya departamentinin müdiri Dos.Telman Nüsrətoğlu Kırıkkale Universitetində Türkiyənin Gənclik və İdman Nazirliyinin dəstəyi ilə keçirilən “Türk Dünyası və Orta Anadoluda Kamu Yönetimi ve Gençlik Politikaları” adlı konfransa dəvət olunmuşdur. 

İki gün davam edən tədbirin birinci günü Dos.Telman Nüsrətoğlu tələbə və akademik heyət qarşısında “Tarixdən günümüzə türk dövlətlərində təşkilat sistemi və gənclik siyasəti”, ikinci gün isə “Zəngəzur dəhlizinin perspektivləri, Azərbaycan–Türkiyə qardaşlığında rolu və bölgədə yaranan yeni geosiyasi şərait" mövzularında məruzələrlə çıxış edib. Çıxışdan sonra tələbə və müəllimlərin sualları cavablanlandırılıb. Departament müdiri müzakirələr zamanı regionun gələcək inkişaf istiqamətləri barədə fikirlərini konfrans iştirakçıları ilə bölüşüb.