2025-ci il sentyabrın 16-da Xəzər Universitetində Fulbrayt (Fulbright) proqramı üzrə təqaüd qazanmış iştirakçılarla görüş təşkil olunub. Görüşdə  Humanitar, təhsil və sosial elmlər fakültəsinin dekanı Dr. Milana Abbasova, İngilis dili və ədəbiyyatı departamentinin koordinatoru Elxan İsmayılov, departamentin əməkdaşı Gülnur Nəbiyeva, Beynəlxalq əlaqələr şöbəsinin müdiri Dr. Firuz Süleymanov və koordinatoru Seyran Əliyeva iştirak ediblər.

Tədbirdə təqaüdçülərlə aparılan müzakirələr zamanı onların Xəzər Universitetində təcrübə müddəti ərzində həyata keçirəcəkləri fəaliyyət planları, nəzərdə tutulan akademik işlər barədə fikir mübadiləsi aparılıb.

Fulbrayt proqramı dünyanın ən nüfuzlu təqaüd proqramlarından biri olmaqla, müxtəlif ölkələrdən gənc mütəxəssislərin beynəlxalq təcrübə qazanmasına imkan yaradır. Bu baxımdan, görüş iştirakçıları proqramın əməkdaşlıq perspektivlərini də müzakirə ediblər.

Sonda hədiyyə təqdim olunmuş və xatirə fotosu çəkilmişdir.