Xəzər Universiteti Tarix və arxeologiya departamentinin müəllimi Dr. Odər Əlizadənin doktorluq elmi dissertasiyası Türkiyənin tanınmış nəşriyyatlarından biri olan Kabalcı Nəşriyyatı tərəfindən kitab halında nəşr edilmişdir.

"Hunların Dünyası: V yy. Armenina Müverrihlerinin Anlatımında" adlı bu əsər V əsrdə qədim Qra­bar dilində qələmə alınmış mənbələri əsas götürərək, hunların Cənubi Qafqazdakı rolunu dini dəyişmələr, mədəni təsirlər və regional siyasət kontekstində geniş şəkildə təhlil edir. Qeyd edək ki, Qrabar qaynaqlarında hunların tarixinin araşdırılması işi dünya tarixçiliyində ilk dəfə olaraq Odər Əlizadənin əsəri ilə ortaya qoyulmuşdur.

Hunların Dünyası əsəri klassik təsəvvürləri yenidən nəzərdən keçirir, mövcud qənaətləri müzakirəyə açır və Hun tarixinə dair geniş bir baxış bucağı təqdim edir.