Təbiət elmləri və mühəndislik fakultəsinin Kimya müəllimliyi ixtisasında təhsil alan tələbələrindən Pərizad Məmmədova və Səbinə Abdullazadə  avqust ayının birindən etibarən Elm və Təhsil Nazirliyinin akademik Y.H. Məmmədəliyev adına Neft-Kimya Proseslərİ İnstitutunda təcrübə keçmişlər. Bu müddətdə tələbələr bir sıra analiz metodları və  üzvi birləşmələrin sintezi metodikası ilə həm əyani tanış olmuş, həm də təcrübələrdə fəal iştirak etmişlər. Təcrübə müddətində yüksək aktivlik göstərmiş Pərizad Məmmədova Neft-Kimya Proseslərİ İnstitutunun baş direktoru Akademik Vaqif Abbasov tərəfindən Y. Məmmədləliyev adına təqaüdlə təltif olunmuş, Səbinə Abdullazadəyə isə sertifikat verilmişdir.

Qeyd edək ki, təcrübəyə Kimya və kimya mühəndisliyi departamentinin müəllimi, Y.H.Məmmədəliyev adına Neft-Kimya Prosesləri İnstitutunun “Üzvi birləşmələrin və neft məhsullarının spektral üsulla tədqiqi” laboratoriyasının müdiri  Ülviyyə Yolçuyeva rəhbərlik etmişdir.