2025-ci il 30 iyul-1 avqust tarixində Dövlət İmtahan Mərkəzinin Elektron imtahanlar korpusunda ali təhsil müəssisələrinin sərgisi keçirildi. Sərginin əsas məqsədi ixtisas seçimindən əvvəl abituriyentləri ali məktəblərin tədris imkanları və üstünlükləri ilə yaxından tanış etmək, onların seçim prosesində maarifləndirici və istiqamətləndirici dəstək göstərmək idi.

Xəzər Universiteti də sərgidə öz stendi ilə təmsil olundu. Universitetin nümayəndələri abituriyentlər və valideynlərlə birbaşa ünsiyyət quraraq, universitetin müxtəlif ixtisasları, bakalavriat səviyyəsində tədris proqramları, beynəlxalq əməkdaşlıqlar, ikili diplom imkanları, müasir maddi-texniki baza, güzəştlər və digər üstünlüklər barədə ətraflı məlumat təqdim etdilər.

Sərgi çərçivəsində hər gün Xəzər Universiteti haqqında xüsusi təqdimat təşkil olundu. Təqdimat zamanı iştirakçılar universitetin təhsil mühiti, innovativ yanaşmaları və tələbə həyatı ilə yaxından tanış olmaq imkanı əldə etdilər.