İngilis dili və ədəbiyyatı departamentinin müdiri, Dr. Milana Abbasova 2025-ci il iyunun 9-13-də Türkiyənin Qazi Universitetinə Erasmus+ proqramı çərçivəsində işgüzar səfər edib. Səfər çərçivəsində M. Abbasova, Qazi Universitetinin Təhsil fakültəsinin dekanı Prof. Bilal Güneş, dekan müavinləri Dr. Serçin Karadaş və Dr. Ferudun Sezgin, həmçinin Xarici dillər bölməsinin müdiri Prof. Paşa Tevfik ilə görüşüb.

Görüşlərdə, xüsusən Prof. Paşa Tevfik ilə keçirilən görüşdə ikili diplom proqramı üzrə əməkdaşlıq imkanları, birgə akademik tədbirlərin təşkili, eləcə də dil tədrisi metodlarının tətbiqi və mübadiləsi  ilə bağlı geniş müzakirələr aparılmışdır.