Xəzər Universiteti Dillər və ədəbiyyatlar departamentinin müəllimi, fil.ü.f.d. Yeqzar Cəfərli Dünya Gənc Türk Yazarlar Birliyinin İdarə Heyətinin üzvlüyünə qəbul olunub. Yeqzar Cəfərliyə üzvlük vəsiqəsini təşkilatın başqanı, şair İntiqam Yaşar təqdim edib.

Qeyd edək ki, Dünya Gənc Türk Yazarlar Birliyi beynəlxalq hüquqi şəxs olaraq fəaliyyət göstərir, türk dünyasında yaşayan gənc türk yazarların birləşdiyi qurumdur. Kitablar nəşr edir, saytlar qurur, layihələr gerçəkləşdirir, konfrans, festival, görüşlər düzənləyir.

Birlik indiyədək Azərbaycan Respublikasının Gənclər və İdman Nazirliyi, Mədəniyyət Nazirliyi, Gənclər Fondu, Qeyri-Hökumət Təşkilatlarına Dövlət Dəstəyi Agentliyi və digər donor qurumların dəstəyi ilə onlarla layihə həyata keçirib.