Xəzər Universitetinin Mərmər salonunda 2025-ci il iyulun 4-də Musiqi və incəsənət departamenti tərəfindən birinci kurs tələbələrinin ənənəvi  hesabat konserti və sərgisi təqdim olunmuşdur. Departamentin müəllimləri – Məhsəti Azaflı (vokal, xor), Səbinə İsmayılova (rəqs) və Vəfa Əlizadənin (xalçaçı rəssamlıq) tədris ili ərzində yetişdirdikləri tələbələr  öz bacarıqlarını nümayiş etdirmişlər.

Tədbirdə Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, dekanlar və departament müdirləri, əməkdaşlar və tələbələr iştirak etmişlər. İştirakçılar tədbirdən əvvəl sərgi ilə tanış olmuşlar.

Musiqi və incəsənət departamentinin müdiri, əməkdar müəllim, pianoçu Zülfiyyə Sadıqova tədbiri açaraq, tələbələrin fəaliyyəti barədə məlumat vermişdir. Məhsəti Azaflının dirijorluğu ilə tələbələrdən ibarət xorun çıxışı ilə başlanan konsertdə Üzeyir Hacıbəyli, Fikrət Əmirov və digər Azərbaycan bəstəkarlarının əsərləri ifa edilmiş, rəqslər nümayiş olunmuşdur.

Həm xor kollektivinin, həm rəqs qruplarının, həm də vokalçıların ifaları geniş proqramı və müxtəlifliyi ilə diqqəti cəlb etmişdir.