Xəbər verildiyi kimi, Azərbaycan Respublikasının Xarici işlər naziri Ceyhun Bayramov 2025-ci il iyunun 2-3-də Keniyada rəsmi  səfərdə olmuşdur. Səfər zamanı nazir Keniya Respublikasının Prezidenti Vilyam Samoei Ruto və digər rəsmi şəxslərlə görüşmüş, paytaxt Nayrobidə Azərbaycan səfirliyinin açılışında iştirak etmişdir.

Səfər çərçivəsində iyunun 3-də Azərbaycanın müstəqillik gününə həsr olunmuş tədbirin bədii hissəsində Azərbaycanın incəsənət ustaları tərəfindən konsert proqramı təqdim olunmuşdur. Konsertdə Xəzər Universitetinin Musiqi və incəsənət departamentinin müdiri, əməkdar müəllim, tanınmış pianoçi Zülfiyyə Sadıqova da  iştirak etmişdir.