2025-ci il martın 4-də Xəzər Universitetində İspaniyanın Católica San Antonio de Murcia Universitetinin (UCAM) əməkdaşı Giovanni Urru ilə görüş keçirilib. Görüş Xəzər Universitetinin İqtisadiyyat və menecment fakültəsinin dekanı Raziyə İsayeva, Beynəlxalq əlaqələr şöbəsinin müdiri Fatimə Vəliyeva, şöbənin koordinatorları Seyran Əliyeva və İlqarə Abdullayevanın iştirakı ilə keçib.

Görüş zamanı Fatimə Vəliyeva tərəfindən Xəzər Universiteti barədə, UCAM Universitetinin əməkdaşı Giovanni Urru tərəfindən isə UCAM barədə təqdimatlar nümayiş etdirilib.

Görüşdə iki universitet arasında əməkdaşlığın möhkəmləndirilməsi, o cümlədən Erasmus+ proqramı çərçivəsində tələbə və akademik heyətin mübadilə imkanları, birgə layihələrin təşkili və digər beynəlxalq fəaliyyətlərin genişləndirilməsi perspektivləri müzakirə olunub.