2025-ci il aprelin 17-də Xəzər Universitetində Türkiyənin Kadir Has Universitetinin nümayəndəsi ilə görüş keçirilib. Görüşdə Kadir Has Universitetinin Beynəlxalq Marketinq üzrə mütəxəssisi Leyla Əliyeva, Xəzər Universitetinin İqtisadiyyat və menecment departamentinin koordinatoru Bahar İmanova, həmin departamentin müəllimi Dr. Məhəmməd Çərkəsov, Beynəlxalq əlaqələr şöbəsinin koordinatorları Seyran Əliyeva, Jalə Məmmədova və İlqarə Abdullayeva iştirak ediblər.Görüşdə ikitərəfli əlaqələrin möhkəmləndirilməsi istiqamətində müzakirələr aparılıb. Sonda hədiyyələr təqdim olunub və xatirə şəkilləri çəkilib.