Gazi Universitetinin (Türkiyə) əməkdaşı Elif Yeliz Doğru 2025-ci il mayın 12-16-da Xəzər Universitetində olmuşdur.

Səfər çərçivəsində keçirilən ilkin görüşdə Xəzər Universitetinin Keyfiyyətin Təminatı Mərkəzinin direktoru Lyudmila Sotova, mərkəzin koordinatoru Kəmalə Mustafayeva, Beynəlxalq əlaqələr şöbəsinin müdiri Fatimə Vəliyeva, şöbənin koordinatoru İlqarə Abdullayeva, Təbiət elmləri, sənət və texnologiya yüksək təhsil fakültəsinin dekanı Günel Bahəddinova və Təbiət elmləri və mühəndislik fakültəsinin dekanı Fəxrəndə Əfəndiyeva iştirak etmiş və Xəzər Universiteti haqqında ətraflı məlumat verilmişdir.

Səfərin növbəti günlərində Elif Yeliz Doğru Keyfiyyətin Təminatı Mərkəzinin, İnformasiya texnologiyaları departamentinin  əməkdaşları ilə görüşmüş, universitetdə keyfiyyətin təminatı və informasiya texnologiyaları sahələrində həyata keçirilən fəaliyyətlə tanış olmuşdur.

Proqramın sonunda Beynəlxalq əlaqələr şöbəsinin müdiri Fatimə Vəliyeva tərəfindən Gazi Universitetinin nümayəndəsi Elif Yeliz Doğru`ya  sertifikat təqdim edilmişdir.