2025-ci il mayın 16-da Memarlıq və Dizayn Departamentinin  təşkilatçılığı ilə Təsviri incəsənət müəllimliyi ixtisasının 3-cü kurs tələbəsi Asiya Məmmədovanın “İç səsim” adlı sərgisi nümayiş olunmuşdur.

Tədbirdə Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, Təbiət elmləri və mühəndislik fakültəsinin dekanı Fəxrəndə Əfəndiyeva, Memarlıq və dizayn departamentinin müdiri Dos. Şəhla Abbasova çıxış etdilər. Sərgiyə dəvət olunmuş fəxri qonaqlar - Beynəlxalq Qalereyanın direktoru Elnurə İsgəndərova, Beynəlxalq Akvarel Cəmiyyətinin Sumqayıt filialının rəhbəri İntiqam Cəfərov və rəssam-şair Nəvai Məmmədoğluya da söz verildi.

Asiya Məmmədova nümayiş etdirdiyi əsərlərində insanın iç dünyasında baş verən ziddiyyətləri, səssiz duyğuları və şəffaf düşüncə axınını ustalıqla təsvir etmişdir.

Bu cür tədbilər yaradıcı gənclərin potensialını üzə çıxarmaq və qiymətləndimək üçün imkan yaradır.