2025-ci il mayın 5-9-da Türkiyənin Çukurova Universitetində təşkil olunmuş 10-cu Beynəlxalq Əməkdaşlıq Həftəsində (International Staff Week) Xəzər Universitetini Beynəlxalq əlaqələr şöbəsinin koordinatoru Seyran Əliyeva təmsil etmişdir.

Proqram çərçivəsində beynəlmiləlləşmə, KA171 layihələri, Erasmus+ proqramında tətbiq edilən yeni anlayışlar – EWP, inklüzivlik, Avropa Universitetləri Alyansları və Birləşmiş İntensiv Proqramlar (BIP-lər) kimi mövzularda seminarlar və praktik sessiyalar təşkil olunmuşdur. Müxtəlif ölkələrdən olan iştirakçılar  təmsil etdikləri ali təhsil müəssisələrinin uğurlu təcrübələrini və yenilikçi yanaşmalarını təqdim etmiş, qarşılıqlı fikir mübadiləsi aparmışlar.

Tədbir çərçivəsində iştirakçılar, həmçinin, Çukurova Universitetinin müxtəlif fakültə və şöbələrinin fəaliyyəti, təşəbbüsləri və iş prinsipləri ilə yaxından tanış olmuşlar.

Seyran Əliyeva “Ali təhsil müəssisələrində beynəlmiləlləşmə strategiyaları və bu sahədə mövcud çətinliklərin aradan qaldırılması” mövzusunda təqdimatla çıxış etmişdir.